Iragan den asteburuan jokatu zen 2018ko sega ligaxkako lehen saioa. Almitza Sega Elkarteak antolatzen duen Bakarkako Sega-ligaxkako IX. edizioa da aurtengoa eta Etxalekun (Nafarroa) eman zitzaion hasiera maiatzaren 26an.
Parte-hartze handiarekin hasi da aurtengo ligaxka eta horrek nolabait lehia ziurtatuko duela dirudi. Hainbat segalarik hartu zuten parte bereizitako kategoria guztietan.
Helduen mailan, emakumezkoen kategorian, 7×5 m2 -ko saila ebaki behar izan zuten eta honako segalariak gailendu ziren hurrenez hurren:
1.Alaitz Imaz (60 puntu)
2.Ainhoa Mazkiaran (59 puntu)
3.Ainara Otamendi (58 puntu)
Jarraian sailkapen osoa xehetasun guztiekin:
Gizonezkoen kategorian berriz, osatu beharreko lana 10×10 m2 -koa zen. Hauek hurrenez hurren lehen hiru postuak lortu zituztenak:
1.Migel mari Jauregi “Altzo” (60 puntu)
2.Julen Gabirondo (59 puntu)
3.Bixente Mitxelena (58 puntu)
Sailkapen osoa:
Gaztetxoei dagokienez, mutilek 5×10 m2 -ko saila ebaki behar izan zuten eta honakoak izan ziren taldean gailendu ziren lehenak:
1.Iñigo Etxabe (60 puntu)
2.Amaiur Arrospide (59 puntu)
3.Arkaitz Gabirondo (58 puntu)
Hemen sailkapen osoa:
Neskek berriz, 7×5 m2 -ko lana burutu zuten eta hona hemen lehen hiru sailkatuak:
1.Maide Garmendia (60 puntu)
2.Sheila Sarasola (59 puntu)
3.Amets Otegi (58 puntu)
Sailkapena xehetasun guztiekin honakoa:
Gogoan izan, hurrengo hitzordua uztailaren 1ean izango dugula. Egun honetan ligaxka osatuko duten hiru saioetatik bigarrena jokatuko da.